progeCAD Srl им овозможи на факултетите и училиштата целосно бесплатно да го користат progeCAD 2024 Professional ENG за едукативни цели. Училишна лиценца се издава по барање на образовните институции и е целосно функционална една година. По истекот на лиценцата, потребно е повторно да се поднесе барање за нова лиценца. 

Училишната верзија може целосно легално да ја користат наставниците и учениците, како на училишните така и на домашните компјутери, се додека ја користат во образовниот процес. Секоја злоупотреба на лиценцата е казнива.

Постапка за добивање училишна CAD лиценца

За да може институцијата да добие бесплатна progeCAD лиценца, потребно е:

1. Преземете ја пробната верзија на програмата од нашaта Download секција. Пробната верзија на програмата е целосно функционална 30 дена. 
2. Доколку сте решиле да користите progeCAD Professional, потребно е одговорното лице на институцијата да ја преземе апликацијата за училишна лиценца, да ги внесе сите потребни податоци во формуларот, да го испечати образецот на меморандум на институцијата, да стави печат и да го потпише. Потпишаниот формулар мора да биде скениран и испратен на нашиот e-mail: Оваа е-адреса е заштитена од спамботови. Треба да ви е овозможено JavaScript за да ја видите..
3. По добивањето на вашето барање, институцијата се проверува дали ги исполнува условите за добивање на училишна лиценца. По проверка, дали се е во ред, серискиот број за активирање на програмата ќе биде испратен на e-mail, во спротивно, ќе биде испратено објаснување зошто барањето е одбиено.

Бидејќи училишната лиценца се издава на една година, пред истекот на лиценцата, потребно е повторно да се поднесе барање за училишна лиценца, во кое ќе биде внесен серискиот број на лиценцата што институцијата веќе ја поседува, заедно со верзијата на програма која се користи.